Dydd Sadwrn 15 Hydref 2016 - Dydd Mawrth 15 Hydref 2019
10:00 am - 5:00 pm
Richard Glynn Vivian oedd sylfaenydd ein horiel yn Abertawe. Wedi’i eni yn Abaty Singleton, roedd Glynn yn bedwerydd mab y teulu Vivian cefnog, perchnogion gwaith mwyndoddi copr mwyaf llwyddiannus y byd yn y 19eg ganrif.
Gadawodd Glynn ei gasgliad celf cyfan ‘er mwynhad pobl Abertawe’ ym 1908, ac agorodd yr oriel ym 1911, flwyddyn ar ôl ei farwolaeth.
Bu Glynn Vivian yn casglu trwy gydol ei fywyd, gan deithio’n helaeth ar agerlongau a threnau, a chaffael gwrthrychau a gwaith celf o bob gwlad yr ymwelodd â hi. Mae Teithiau rhwng Celf a Bywyd yn cyflwyno ei gasgliad ac yn dathlu ei fywyd am y tro cyntaf mewn dros 100 mlynedd.
Mae’r arddangosfa’n cynnwys gwaith JMW Turner (1775-1851) Storm Eira – Agerlong ger Mynedfa Harbwr, a arddangoswyd ym 1842, ar fenthyg hael o’r Tate.
Cefnogir y prosiect yn hael gan grant Cronfa Dreftadaeth y Loteri.
Oriel Gelf Glynn Vivian
Alexandra Road, Swansea, SA1 5DZ
map
Categorïau
