Dydd Mawrth 15 Mawrth 2022 - Dydd Sul 20 Mawrth 2022
6:00 pm
Dr. Frances Woodley a’r artist Zoe Preece yn trafod y gwaith sy’n cael ei arddangos fel rhan o ‘In Reverence’, sydd ar gael i’w gweld yn Oriel Gelf Glynn Vivian o 20 Tachwedd 2021 tan 20 Mawrth 2022.
Bydd y sgwrs ar gael i’w gwylio ar sianel YouTube y Glynn Vivian o 6pm nos Fawrth 8 Mawrth.
Mae Preece wedi creu cyfres o wrthrychau domestig arferol, wedi’u cerfio’n fanwl â llaw gan ddefnyddio porslen, neu blastr wedi’i droi ar durn (peiriant sy’n troelli’n gyflym iawn, ac y gellir ei ddefnyddio i gerfio plastr). Mae’r broses gywrain hon yn arwain at wrthrychau bregus, wedi’u saernïo’n wych sy’n ceisio cyfleu agweddau anghyffyrddadwy, annifyrrol a bregus bywyd domestig
Mae pob darn yn cael ei wneud yn fanwl iawn ac yn cymryd oriau i’w greu. Ar gyfer yr artist, mae gweithgarwch ailadroddus ac anweledig ei chrefft yn cyfateb i’r gwaith llafur domestig diddiwedd anweladwy a wneir gan amlaf gan fenywod, o fewn y cartref, Mae Preece yn ceisio cyfleu’r gwaith cartref disylw hwn nad yw’n cael ei werthfawrogi’n aml yn y gosodiad hwn.
Artist ac awdur sy’n byw ac yn gweithio yng Nghaerdydd, Cymru, y DU yw Dr Frances Woodley.
Bu’n gweithio fel Pennaeth y Celfyddydau Gweledol ym Mhrifysgol De Cymru nes iddi adael i weithio’n llawrydd ar ei gwaith ymchwil ei hun, a oedd yn cynnwys prosiectau curadu a chyhoeddi ar fywyd llonydd.
Mae ei chyhoeddiadau’n cynnwys All Coherence Gone (2014), Still Life Ambiguous Practice (2015), Models and Materialities (2016), Flora (2017), Speak to Me: Contemporary Conversations with the Still life Tradition (Thesis Doethurol Tachwedd 2017), Vis-à-vis (2018), yn ogystal â phapurau, erthyglau ac adolygiadau academaidd.
Hi yw’r curadur gwadd ar hyn o bryd ar gyfer prosiect Grŵp 56 Cymru, At Cross Purposes (2021-23). Er bod ei harfer bresennol yn canolbwyntio ar baentio, arlunio a gludwaith digidol, roedd ei harferion cynnar yn cynnwys cerfluniaeth ffigurol, a oedd yn cyfuno paent a chyfrwng cymysg ar arwynebau wedi’u tanio. Gellir gweld enghreifftiau o hyn mewn casgliadau parhaol yn Amgueddfa ac Oriel Gelf Casnewydd a Chasgliad ac Archif Cerameg Prifysgol Aberystwyth.
Categorïau
