Dydd Sadwrn 24 Medi 2022 - Dydd Sul 8 Ionawr 2023
10:00 am - 5:00 pm
Cefnogir gan Prifysgol Cymru Y Drindod Dewi Sant, Goleg Celf Abertawe
Mae Oriel Gelf Glynn Vivian a GS Artists yn falch o gyflwyno prosiect amlochrog sy’n edrych ar sut mae celf yn cyfranogi yng nghanol cymdeithas weithredol iach, gan ddechrau gydag ysgolion celf.
Mae Coleg Celf Abertawe y Prifysgol Cymru Y Drindod Dewi Sant (PCYDDS) wedi bod yn rhan greiddiol o fyd y celfyddydau yn Abertawe ers tro, ac mae ei pherthynas â’r oriel wedi bod yn un o gydgyfnewidiaeth a haelioni, o arddangos gwaith myfyrwyr a darlithwyr a darparu cyflogaeth hyd at rannu adnoddau a lle. Cyfarwyddwr cyntaf yr Goleg Celf Abertawe, William Grant Murray (1877-1950) oedd curadur cyntaf Oriel Gelf Glynn Vivian hefyd.
Nod yr arddangosfeydd ar y cyd hyn yn y Glynn Vivian a GS Artists yw dathlu cyd-destunau addysg gelf y gorffennol, y presennol a’r dyfodol.
Yn GS Artists, cynhelir arddangosfa sy’n dathlu archif yr Goleg Celf Abertawe. Bydd yn cynnwys ffotograffau gan y ffotograffydd o Abertawe, Colin Riddle, ynghyd â delweddau archifol a deunydd o archif yr ysgol gelf yn ogystal â chan ddarlithwyr a myfyrwyr y gorffennol. Bydd hefyd recordiadau fideo a sain o atgofion cyfranogwyr am yr ysgol gelf a fydd yn archwilio’u profiadau unigryw.
Yn y Glynn Vivian bydd arddangosfa o gelfweithiau o gasgliad parhaol yr oriel gan gynfyfyrwyr a darlithwyr yr Goleg Celf Abertawe, gan gynnwys gweithiau gan Irene Bache, Glenys Cour, James Henry Govier, Alfred Janes, Ceri Richards, Jane Phillips, Will Roberts a llawer mwy.
Bydd hefyd gyfle i chi ychwanegu unrhyw atgofion neu feddyliau at yr arddangosfa wrth i ni barhau i dyfu’r archif hon a gaiff ei chadw yn archifau Oriel Gelf Glynn Vivian ac Goleg Celf Abertawe.
Dilynwch y ddolen hon i lenwi’r arolwg. www.abertawe.gov.uk/colegcelfabertawe200
Ymgymerwyd â chyfres o gyfweliadau ag artistiaid o bob cwr o’r DU, a fu’n siarad am eu profiadau o addysg gelf ac archwilir hyn mewn diwrnod Cynulliad Cymdeithas Gelf ar 27 Hydref a gynhelir yn y Glynn Vivian, GS Artists a lleoliadau eraill. Bydd y diwrnod hwn yn dathlu creadigrwydd, yr ysgol gelf a rôl addysg gelf mewn cymdeithas.
Mae’r prosiect hwn yn perthyn i gyfres o arddangosfeydd ar draws dinas Abertawe i ddathlu 200 mlynedd o Brifysgol Cymru y Drindod Dewi Sant.
Mae Oriel Mission yn dathlu celfyddyd gwneud gan 6 chynfyfyriwr sefydledig gydag ‘i’r stiwdio/into the studio’, lle bydd darnau sampl gan fyfyrwyr presennol y cyrsiau Crefftau Dylunio a Phatrymau Arwyneb a Thecstilau yn cael eu cydblethu.
Bydd ‘Dynevor-Never-Land’ Oriel Elysium yn dod â myfyrwyr PCYDDS Coleg Celf Abertawe o’r gorffennol at ei gilydd, y mae pob un ohonynt wedi cychwyn ar ei anturiaethau unigryw ei hun ers graddio.
Bydd Stiwdio Griffiths, ar Gampws Dinefwr Coleg Celf Abertawe, yn cynnal cydweithrediad rhwng myfyrwyr presennol cyrsiau israddedig y Celfyddydau Cain a Ffotograffiaeth wrth iddynt symud i’w blwyddyn astudio derfynol. Mae’r arddangosfa hon yn arddangos cysylltiadau a nodweddion pynciau perthnasol y myfyrwyr o fewn ‘arfer stiwdio/studio practice’.
Cefnogir gan Prifysgol y Drindod Dewi Sant, Goleg Celf Abertawe.
Lle nid er elw yw GS Artists ar Y Stryd Fawr yn Abertawe. Gallwch ddarllen rhagor yn www.galeriesimpsonswansea.com neu gysylltu â nhw drwy e-bost yn info@galeriesimpsonswansea.com
Coleg Celf Abertawe PCYDDS, Campws Dinefwr, De Le Beche Street, Abertawe SA1 3EU.
Sefydlwyd Coleg Celf Abertawe Prifysgol Cymru y Drindod Dewi Sant dros 170 o flynyddoedd yn ôl ac mae ganddi draddodiad neilltuol; fe’i disgrifiwyd yn The Visual Culture of Wales gan Peter Lord fel ‘yr ysgol gelf fwyaf llwyddiannus a nodedig yng Nghymru’. Heddiw, mae’r coleg ar ben blaen creadigrwydd a chyflogaeth. Ebost artanddesign@uwtsd.ac.uk www.swansea.art
Categorïau
