Mynediad

Parcio Hygyrch

Mae parcio am ddim ar gael yn syth y tu allan i’r oriel i nifer cyfyngedig o gerbydau.

Mae tri lle parcio (cyfnod aros o awr) y tu allan i brif fynedfa’r oriel, ac mae dau lle i ddeiliaid bathodynnau glas o flaen gardd yr oriel (cyfnod aros o dair awr ar y mwyaf). Hefyd mae dwy gilfach gollwng i goetsys hurio preifat y tu allan i fynedfa 1911 yr oriel.

Mae dau faes parcio NCP yn yr ardal. Ewch i we-dudalen meysydd parcio canol y ddinas i gael mwy o wybodaeth. Mae parcio am ddim ar gael ym maes parcio’r Stryd Fawr ar ddydd Sul.

Prif fynedfa

Mae’r oriel ar Heol Alexandra, gyferbyn ag adeilad Alex Prifysgol Cymru y Drindod Dewi Sant.

Mae gan yr oriel fynedfa heb risiau ar y llawr gwaelod.

Mae’r brif fynedfa’n arwain at yr ardal groesawu sy’n cynnwys y dderbynfa, siop, caffi ac ardal eistedd.

Ar hyn o bryd nid oes unrhyw fynediad i’r adeilad drwy’r fynedfa 1911 wreiddiol. Mae’r fynedfa hon ar agor mewn argyfwng yn unig.

Anifeiliaid Cymorth

Mae croeso i gŵn tywys, cŵn clywed a chŵn cymorth cofrestredig .

Gwasanaeth Tywys

Os hoffech gael eich tywys o gwmpas yr adeilad, trefnwch hyn ymlaen llaw. Yn anffodus, ni allwn warantu cymorth i ymwelwyr nad ydynt wedi trefnu  ymlaen llaw. Ffoniwch 01792 516900

Cadeiriau Olwyn a Sgwteri Symudedd  

Mae gan yr oriel lwybrau clir sy’n 1.5 metr o led ac sy’n addas i gadeiriau olwyn a sgwteri symudedd.

Nid oes unrhyw gadeiriau olwyn ar gael i’w defnyddio yn yr oriel.

Gallwch logi sgwteri a chadeiriau olwyn pweredig gan Logi Cyfarpar Symudedd Abertawe yng ngorsaf fysus Abertawe. Ffoniwch 01792 461785

Derbynfa

Mae desg y dderbynfa bellter byr o’r brif fynedfa, ac mae ganddi ddau uchder sef 100cm a 76cm fel y gall pobl sy’n defnyddio cadair olwyn fynd ati’n hawdd.

Mynediad Lifft

Mae ein prif fynedfa ar lefel y stryd ac mae’r holl orielau’n hygyrch i gadeiriau olwyn. Mae gan y lifftiau ddangosydd lloriau gweledol a theclyn cyhoeddi clywedol.

Mae’r botymau galwad allanol ar lefel isel ac mae lefel y golau yn y lifftiau’n llachar.

Caffi

Mae’r caffi i’r chwith o ddesg y dderbynfa ac mae ganddo fynediad gwastad.

Mae lle i bobl sy’n defnyddio cadair olwyn symud o gwmpas ac nid yw’r celfi’n sefydlog.

Siop

Mae’r siop i’r chwith o ddesg y dderbynfa ac mae ganddo fynediad gwastad. Mae lle i bobl sy’n defnyddio cadair olwyn symud o gwmpas ac nid yw’r celfi’n sefydlog. 

Efallai bydd rhai eitemau allan o gyrraedd pobl sy’n defnyddio cadeiriau olwyn, fodd bynnag mae ein cynorthwywyr oriel cyfeillgar bob amser ar gael i helpu.

Induction Loops

Bydd angen i chi ddewis y gosodiad ‘T’ ar eich dolen glyw. Mae dolenni clyw ar gael o’r ardaloedd canlynol:

• Desg y dderbynfa
• Ystafell 1 – Theatr Ddarlithio
• Mannau manwerthu

Cyfarpar gwella sain

Mae siaradwyr sy’n rhoi sgyrsiau yn yr orielau’n gwisgo dolenni clyw cludadwy. Mae pedwar derbynnydd cludadwy, sydd ar gael o ddesg y dderbynfa.

Print Bras

Gallwch ofyn am wybodaeth print bras am arddangosfeydd, digwyddiadau a chyfleusterau drwy ffonio 01792 516900 neu e-bostio’n tîm.

Mae labeli arddangosfa a thestunau dehongli print bras ar gael yn yr oriel. Gofynnwch i un o gynorthwywyr yr oriel neu gofynnwch wrth y dderbynfa.

Os oes angen fformat arall arnoch, e-bostiwch glynn.vivian.gallery@abertawe.gov.uk

Loceri 

Mae loceri ar gael ar y llawr gwaelod isaf, y mae angen mynd i lawr 9 gris i’w cyrraedd. Os nad ydych yn gallu defnyddio’r grisiau, mae’r cynorthwywyr oriel ar gael i’ch helpu. Gofynnwch wrth y dderbynfa.

Mae tri maint gwahanol o loceri ar gael, sef 40cm x 84cm, 30cm x 40cm, a 30cm x 56cm.

Pris un locer yw £1, sy’n ad-daladwy.

Caiff y loceri eu gwacáu ar ddiwedd bob dydd a’r holl eitemau eu tynnu allan ohonynt. Mae rheseli cotiau ychwanegol ar gael yn ystod rhagarddangosfeydd a digwyddiadau arbennig.   

Toiledau Cyhoeddus

Mae toiledau hygyrch, cyfleusterau Changing Places a chyfleusterau newid cewynnau babanod ar gael ar y llawr gwaelod. Gallwch ddod o hyd iddynt yn ardal y brif fynedfa, i’r chwith o’r dderbynfa. Gallwch gael mynediad i’r cyfleuster Changing Places gydag allwedd radar. Gofynnwch i aelod o staff am fwy o wybodaeth.

Mae toiledau cyhoeddus hefyd ar y llawr gwaelod isaf. Gallwch gyrraedd y rhain drwy fynd i lawr naw gris o’r brif fynedfa.

Mae tri thoiled hygyrch yn yr adeilad, gyda dau ohonynt ar y llawr gwaelod yn ardal y brif fynedfa ac un arall ar yr ail lefel, rhwng y lifft ac Ystafell 9. Mae gan yr holl doiledau hygyrch larwm argyfwng, bachau cotiau a chanllawiau ar y waliau.

Golau

Mae pob ardal o’r oriel wedi’i goleu’n dda, gyda golau dydd naturiol a llachar ym mhob ystafell heblaw am ein Stiwdio Ddysgu (Ystafell 2) a’n Horiel Arddangos (Ystafell 3). Ambell waith defnyddir y sgrîn yn y theatr ddarlithio (Ystafell 1) i greu amgylchedd tywyll sy’n addas ar gyfer dangos ffilmiau a chyflwyniadau. 

Mae’r grisiau wedi’u marcio’n glir ac mae canllawiau ar y ddwy ochr.  

Seddi

Mae nifer o seddi cludadwy ar gael i’w defnyddio yn yr orielau, gofynnwch i aelod o staff am gymorth.

Mae meinciau yn y brif fynedfa ac yn rhai o’n horielau. Mae amrywiaeth o seddi yn yr Atriwm ac Ystafell yr Ardd, gan gynnwys soffas. 

Mae detholiad o feinciau pren yn ein gardd derasog, yn ogystal â meinciau haearn unigryw a wnaed â llaw gan Mark Dyvig, ac sy’n rhan o’n casgliad.

Mannau ar gyfer Digwyddiadau

Cynhelir y rhan fwyaf o’n digwyddiadau yn yr Atriwm, Ystafell yr Ardd, y Theatr Ddarlithio (Ystafell 1), y Stiwdio Ddysgu (Ystafell 2) neu’r Llyfrgell.

Mae’r holl ystafelloedd ar lefel 0 a gellir eu cyrraedd yn hawdd mewn cadair olwyn. 

Bydd rhai gweithgareddau’n cynnwys ardaloedd eraill o’r oriel, y gellir cyrraedd pob un ohonynt drwy ddefnyddio’r lifft.

Allanfeydd Tân

Mae llwybrau gadael amrywiol drwy’r adeilad i’w defnyddio os bydd argyfwng. Mae’r allanfeydd wedi’u nodi’n glir ag arwyddion ‘dyn yn rhedeg’ gwyrdd sy’n goleuo, yn ogystal â negeseuon wedi’u recordio sy’n cynghori ymwelwyr i adael yr adeilad.

Bydd staff yn helpu i sicrhau bod yr holl ymwelwyr yn gadael yr adeilad yn brydlon ac yn ddiogel os bydd argyfwng.

Mae cadeiriau achub ar gael i helpu ymwelwyr anabl.

Mewn argyfwng, bydd y lifft yn mynd i Lefel -1 (lefel y fynedfa) yn awtomatig, a bydd y drysau’n agor i ganiatáu i unrhyw un sydd yn y lifft adael yr adeilad drwy’r brif fynedfa. Bydd y lifft yn aros ar y llawr hwn ac yn aros ar agor nes i’r larwm tân gael ei ailosod.

Os yw’r larwm yn cael ei actifadu o lefel -1, bydd y lifft yn aros ar lefel 0 ac yn caniatáu i ymwelwyr adael drwy’r allanfeydd yn ystafell yr ardd – mae staff yn yr ardal hon ar bob adeg i helpu os oes angen gadael yr adeilad.