Oriel ar restr fer gwobrau Fantastic for Families 2020
Mae Oriel Glynn Vivian ar restr fer categori’r lleoliad gorau i deuluoedd yng ngwobrau Fantastic For Families 2020, sy’n dathlu’r rheini sy’n gwneud cyfraniadau eithafol i gelfyddydau a diwylliant sy’n addas i deuluoedd.
Mae’r categori lleoliad gorau i deuluoedd yn dathlu lleoliadau â chyfleusterau sy’n addas i deuluoedd, y camau ychwanegol maent yn eu cymryd i ddiwallu anghenion amrywiaeth eang o deuluoedd a’r profiadau o safon uchel maent yn eu darparu i ymwelwyr.
Cydnabyddir hefyd y rheini ar y rhestr fer am eu hamrywiaeth o ddigwyddiadau creadigol arbennig i deuluoedd ar draws y DU.
Dywed Dan McCabe, Swyddog Dysgu a Chyfranogiad, “Rydym yn falch iawn o fod ar y rhestr fer ar gyfer Y Lleoliad Gorau yng ngwobrau Fantastic For Families 2020!
“Mae gwobrau Fantastic for Families yn dathlu’r amrywiaeth o ddigwyddiadau creadigol a lleoliadau gwych i deuluoedd ar draws y DU ac rydym yn aruthrol o falch i gael ein dewis.
“Yn ystod adeg lle mae COVID-19 wedi dod â newidiadau mawr i’r ffordd y gallwn ymgysylltu â’n teuluoedd a’n pobl ifanc a chreadigol, mae ein tîm dysgu wedi parhau â’n rhaglenni #DysguGlynnVivian ar-lein fel rhan o #GlynnVivianGartref
“Rydym yn dwlu ar weithio gyda chi i gyd ac rydym yn edrych ymlaen at eich croesawu i’r Oriel pan fydd yn ddiogel i chi ddychwelyd.”
Cyhoeddir yr enillwyr ddydd Mercher 9 Medi. Am ragor o wybodaeth, ewch i’r wefan
PORTREADAU
