Dewch yn aelod o 4Site

Rhaglen Ddysgu Ddiwylliannol Abertawe ar gyfer ysgolion, dan arweiniad artist- addysgwyr â gwybodaeth arbenigol.

Mae amgueddfeydd, orielau a gwasanaethau archifau Cyngor Abertawe’n lleoliadau unigryw i ddarganfod, lle gall disgyblion ac athrawon fwynhau profiadau dysgu newydd y tu allan i’r ystafell ddosbarth.

Mae ein lleoliadau diwylliannol yn darparu cyfleoedd i ddisgyblion ddatblygu eu sgiliau a’u dealltwriaeth wrth i ni eu hannog i ddarganfod a chwestiynu’r byd o’u cwmpas.

Arweinir sesiynau 4Site gan artist- addysgwyr a staff hyfforddedig yr amgueddfa a’r archifau, gan gysylltu arddangosfeydd casgliadau, archifau ac adnoddau eraill y ddinas â themâu cyfnodau allweddol drwy amrywiaeth o ymagweddau creadigol a gweithdai.

Gallwn ddarparu sgiliau a chyfleoedd dysgu trawsgwricwlaidd pan fyddwch yn ymweld, a fydd yn diwallu anghenion plant y Cyfnod Sylfaen i Gyfnod Allweddol 2. Mae ein lleoliadau hefyd yn darparu pecynnau dysgu wedi’u teilwra i ysgolion uwchradd a cholegau.

Gall pob lleoliad gynnig amrywiaeth o themâu sy’n berthnasol i’r cwricwlwm ac mae’r holl wybodaeth am y sesiynau sydd ar gael ar ein gwefan yn www.abertawe.gov.uk/4site. Fel arall, cysylltwch â’r lleoliad i drafod eich themâu dewisol. Mae adnoddau ychwanegol ar gael ar-lein a gellir gwneud ymholiadau pan fyddwch yn trefnu’ch ymweliad.

Mae safleoedd diwylliannol 4Site yn cynnwys Canolfan Dylan Thomas, Oriel Gelf Glynn Vivian, Amgueddfa Abertawe a Gwasanaeth Archifau Gorllewin Morgannwg