Sgyrsiau â’r Casgliad

Cyfres o brosiectau yw ‘Sgyrsiau â’r Casgliad’ lle gwahoddir artistiaid, curadwyr, cymunedau a haneswyr i weithio gyda chasgliad parhaol yr oriel mewn ffyrdd sy’n ein helpu i ailasesu ei werth a pha mor ddefnyddiol ydyw yn y gymdeithas gyfoes, wrth adrodd straeon ac wrth ddechrau sgyrsiau newydd.

Mae pob un o’r arddangosfeydd isod wedi’i hysbrydoli gan neu’n cynnwys gwaith o gasgliad parhaol yr oriel, sy’n cynnwys dros 12,000 o gelfweithiau.

Drwy ffotograffiaeth, cerfluniaeth, cadwraeth a rhyngweithio rhwng artistiaid bydd y ffordd barhaus hon o weithio’n dod â safbwyntiau newydd ac yn adfywio’r casgliad ar gyfer cynulleidfaoedd cyfoes.